S Arabische Meer

S Arabische Meer (arabisch بحر العرب‎, DMG Baḥr al 'Arab, persisch دریای عرب‎, Urdu بحیرہ عرب‎, Hindi: अरब सागर) isch e Randmeer vom Indische Ozean zwüsche dr Arabische Halbinsle und Indie.

Geografii

Im Nordweste gränzt s Arabische Meer an dr Golf vo Oman, wo sälber mit em Persische Golf verbunde isch. Im Südweste verbindet dr Golf vo Aden s Arabische Meer mit em Rote Meer. Im Südoste goot s Arabische Meer in d Lakkadivesee über, wo zwüsche de Maledive, Indie und Sri Lanka lit. Die mäiste Ozeanografe luege d Lakkadive as Däil vom Arabische Meer aa. Witer im Oste gränzt die, bzw. s Arabische Meer im erwiterete Sinn, an dr Golf vo Bengale.^[1]

Länder, wo im oder am Arabische Meer ligge si d Maledive, Indie, Pakistan, Oman, Jemen und Somalia.

Stedt an dr Küste si under anderem Mumbai (Bombay) und Karachi.

Dr Indus isch dr bedütendst Strom, wo in s Arabische Meer fliesst. Anderi Flüss si dr Narmada und Tapti, wo bäidi in Golf vo Khambat münde.

D Owen-Bruchzone lit im Weste vom Arabische Meer.

Weblingg

Commons: Arabisches Meer – Sammlig vo Multimediadateie

Fuessnoote

↑ Donald G. Groves & Lee M. Hunt: The Ocean World Encyclopedia. McGraw Hill 1980. S. 195, Laccadive Sea

15.91944444444463.906111111111Koordinate: 15° 55′ 10″ N, 63° 54′ 22″ O

Dä Artikel basiert uff ere fräie Übersetzig vum Artikel „Arabisches_Meer“ vu de dütsche Wikipedia. E Liste vu de Autore un Versione isch do z finde.

[1] Donald G. Groves & Lee M. Hunt: The Ocean World Encyclopedia. McGraw Hill 1980. S. 195, Laccadive Sea

[1]